LA CANZONE DE LL'ANNE
 
Arrive Magge, mese de le rose,
mese ca pure l'asene se spose
se fà feste a ll'Abbruzze pe' ogne pahese.
 
 
LU PRUVERBIE DE LU MESE
 
Nn'à da venì de magge chj nen vò le fojje.
 
  

LU 'NDUVENELLE
 
Cosa bbelle da guardà, cosa bbella da tuccà,
nu pezze de carne ce pù 'nfilà, ficchele tutte e falle stà.
 
 
L'USANZE
 
Quanne se fà a nnascurelle, ce stà sempre une ca se ceche o cove, pe' nen vedè addò le cumpagne se và a nnasconne. Sopra a la cocce di chi se ceche se fà tre ssegne de croce, dicenne: 'Croce de legne, croce de ferre, se cce vide, vì ll'inferne'.
 
 
TATONE DICEVE
 
Chi 'ngondre la mentucce e nne l'addore, nen vede la Madonne quanne se more.
 
 
 
 

 
LA RICETTE
 
Bbrode de prète de mare.
Quesse è la ricette cchjù povere de lu monne, ca s'ahuse a lu mare nostre, Mediterranee, Adriatiche comprese. Se pijje tre prète de mare (grosse gnè mezza pagnotte de pane) a nu punte addò ce stà sempre l'acque de mare. Se dà na sciacquature volante e se mette a na pignate dendr'a tre litre d'acque arcòte quande piove nghe tre fronne d'allore e se fà coce lente lente pe' tre ore. Quande se cacce s'ajogne nu cucchiare d'acete bbone. Chi le tè ce po' 'mbonne lu pane secche. E lu vine? Nu belle vine bbianche Trebbiane.
 
 
ABBRUZZE, TERRE DE MIRACULE E DE SANTE.
 
S.CELESTINE V (Isernia 1215? - Fumone 1296)
Stu Sante eremìte molisane,
a ll'Abbruzze da Pape 'ncoronàte,
à vulute ésse povere cristjiane,
pe'sse ne stà a ppregà tutte beate
e nghe la bolle de la perdonanze
porte la pace a lla cittadinanze.
 
ADDO' STA' LE PIANETE
 
Mercurie passe a ll'Ariete, Venere và a le Pisce, Marte a lu Tore, Ggiove e Saturne armànene a ll'Ariete, Urane nghe Nettune a lu Capricorne, Plutone a Ofiuche.